NGAJAGAAN KABERSIHAN SAKOLA
Ngajaga kaberesihan sakola Kaberesihan teh kudu ku urang jaga, boh eta kaberesihan awak, kaberesihan sakola, kaberesihan imah, kaberesihan lingkungan tempat urang, jeung lain sajabana. Contona mun di imah mah nyaeta urang kudu daek beberesih enggon sare, kamar mandi, dapur, rohangan, buruan, jeung lain sajabana kabeh kudu beresih. Urang tangtuna inget yen kaberesihan teh sabagian tina iman, salain eta kaberesihan teh sumberna tina kasehatan. Jalma nu daek beberesih tangtu sehat. Sedengkeun jalma anu teu daek atawa kedul kana beberesih, gampil pisan kakenaan ku panyakit. Kusabab kitu, hidep salaku budak sakola mah kudu daek diajar beberesih, salian ti beberesih awak, urang kudu ngajaga kaberesihan di lingkungan sakola. Contona miceun runtah kudu ka tempatna, kekebul jeung runtah di jero kelas kudu disapukeun, tuluy papan, kaca, meja, korsi, jeung parabot kudu dielapan sangkan teu pinuh ku kekebul,. Salain katempona beresih, sabab lamun lin...